दूध आपल्या शरीरासाठी आणि आपल्या आरोग्यासाठी किती फायद्याचं आहे हे सर्वांनाच माहीत आहे. केवळ लहान मुलेच नाहीत तर मोठेही दूधाच्या मदतीने आपले आरोग्य चांगलं ठेवू शकतात.
दुधामुळे आपल्या शरीराला भरपूर प्रमाणत कॅल्शिअम मिळतं. वेगवेगळ्या आजारांसोबतच आपल्याला हाडांच्याही समस्येपासून सुटका मिळते. पण दूध कोणत्या वेळेत पिणे जास्त फायद्याचं असतं हे आपल्याला माहीत आहे का? दूध कधीही पिणे फायद्याचे नाही. त्यामुळे जाणून घेऊया दूध पिण्याची योग्य वेळ कोणती आहे.
आपल्यापैकी बरेच जण ऑफिसला जाण्याच्या धावपळीत अनेकजण चांगल्याप्रकारे नाश्ता करायला विसरतात. दुपारी थंड जेवण खातात. काही लोक लंचही पूर्ण करत नाहीत. अशावेळी मग ते आपले रात्रीचं पोटभर करतात. पण रात्री हलकं जेवण करणे योग्य मानलं जातं. काही लोक असेही असतात जे पोटभर जेवण केल्यावरही एक ग्लास दूध पितात. यामुळेच त्यांना काही हानिकारक गोष्टींचा सामना करावा लागतो.
एक्सपर्टनपसार, जनरली आपल्याकडे महिला त्यांच्या लहान मुलांना सकाळी आंघोळ करायच्या आधी एक ग्लास दूध देतात. त्यानंतर मुलं टॉयलेटला जातात किंवा आंघोळीला जातात. असे केल्याने दूध सहजपणे पचत नाही. त्यामुळे प्रयत्न हा करा की त्याला आंघोळ झाल्यावर दूध द्या.
काहींना सकाळचा हेल्दी नाश्ता आणि त्यासोबत पोषक घटकांनी भरपूर असे दूध पिल्याने पचण्यासाठी अडचण येऊ शकते. कारण हे एक हेवी भोजन ठरू शकतं. यामुळे पोटदुखीचा त्रासही होऊ शकतो. याशिवाय सकाळी दूध पिणं स्किनसाठी चांगलं नाही. त्यामुळे सकाळी दूध पिणं टाळलेलंही चांगलं ठरू शकतं.
सकाळी दूधाचे सेवन शक्यतो टाळले पाहिजे. प्राचीन मतानुसार सकाळी दूधाचे सेवन पचनात अडचणी निर्माण करते. सोबत सुस्ती येऊ शकते. पाच वर्षापेक्षा जास्त वयाच्या लोकांनी सकाळी दूध कधीही पिऊ नये. कारण यामुळे अॅसिडिटी होऊ शकते.
जर तुम्ही तणावात असाल तर तुमच्यासाठी मध घातलेलं दूध पिणं फायदेशीर ठरतं. गरम दूधामध्ये एक चमचा मध एकत्र करा. याचं सेवन केल्याने मेंदूच्या पेशींना आराम मिळतो. तसेच तणाव, चिंता, मानसिक समस्यांपासून काही दिवसांतच सुटका होते. शांत झोप येत नसेल किंवा रात्री सतत झोप मोडण्याच्या समस्येने ग्रस्त असाल तर झोपण्यापूर्वी एक तास अगोदर दूधामध्ये एक चमचा मध एकत्र करू प्या.
असे म्हटले जाते की जेष्ठ लोकांनी रात्री गरम दूध प्यावे, परंतु ज्यांना जठरासंबंधी समस्या आहेत त्यांनी फक्त थंड दूध प्यावे. यामुळे आपल्याला दूध सहज रित्या पचते आणि आपल्याला ऍसिडिटी सुद्धा होत नाही.
आयुर्वेदानुसार हळदीचे दूध प्यायल्यास रक्ताचे शुद्धीकरण होते. शरीरातील रक्ताभिसरणाची प्रक्रिया सुधारते. पोटात दुखत असल्यास ज्येष्ठ मंडळींनी एक ग्लास हळद टाकून दूध प्यावे.
जर कोणाला झोप न लागण्याची समस्या असेल तर त्यावर रामबाण इलाज म्हणजे केशर दूध. रात्री झोपण्याआधी केशर दूध घेतल्यास झोप न लागण्याची समस्या दूर होते.
अँटी ऑक्सीडंट्स हे आपल्या शरीरासाठी खूपच फायदेशीर आहे. केशरयुक्त दूध हे अँटी ऑक्सीडंट्सयुक्त असते. तसंच यामध्ये अमिनो अॅसीड्स असतात ज्यामुळे पुरूषांचा सेक्स परफॉर्मन्सही चांगला होण्यास मदत होते. या दूधात असलेले कॅरेटेनॉईड्स पुरूषांमधील इन्फर्टीलिटीच्या समस्येचं निराकारण करतात.
गर्भधारणेदरम्यान महिलांना एसिडिटीचा धोका जास्त असतो. अशा वेळी त्यांनी गरम दुधाऐवजी थंड दूध प्यावे. पण दूध पिल्यानंतर ताबडतोब झोपू नका, तसेच गर्भवती महिलांना दररोज गूळ खाण्याचा सल्ला दिला जातो. ज्यामुळे त्यांना अशक्तपणा येणार नाही आणि ऍनिमिया देखील होणार नाही. ऍनिमियामुळे स्त्रिया लवकर थकतात आणि त्यांना अशक्तपणा जाणवतो.
हिरवी वेलची फ्लेवर एक स्वादिष्ट पर्याय आहे. हे दूध तयार करण्यासाठी सव्वा ग्लास दूध घ्या. हे दूध गरम होण्यासाठी मंद आचेवर ठेवा आणि एक हिरवी वेलची वाटून या गरम होणाऱ्या दुधामध्ये टाका. जेव्हा दुधाला उकळ्या येतील तेव्हा ते आचेवरून उतरवून गाळून घ्या. आता तुम्ही यात तुमच्या मनाप्रमाणे चवीसाठी साखर टाकू शकता. साखर चांगली एकजीव होऊ द्या आणि घरगुती वेलची फ्लेवर मिल्क मिटक्या मारत संपवा.